02‏/06‏/2009

خبر اليم

سمعت من مصدر موثوق ان وزير الصحة بيبنى مقابر جماعية
استعدادا لموتى مرض انفلونزا الخنازير الخبر دة كان من اسبوع
تقريبا وتألمت جدا وتمنيت ان ربنا يحمينا ويحفظنا من هذا المرض
ودلوقت تم رصد اول حالة لانفلونزا الخنازير فى مصر لطفلة امريكية
لام مصرية هوة صحيح البنت كانت عايشة فى امريكا بس جات لمصر زيارة مع امها وجابت المرض معاها وهيا دلوقت فى مستشفى الحميات لمتابعة حالتها بس كنت اتمنى ان الحكومة ترفض دخولها اصلا من ارض المطارمنعا لانتشار المرض ولا بيستعدوا بأعداد للمقابر اللى بيبنوها علشان تعبهم والمصاريف اللى صرفوها فى بناء
هذة المقابرما يضيعش على العموم احنا لا نملك اى قرارات ولا من حقنا نقول ارآء
سوى الدعاء لربنا سبحانة وتعالى انة يحمينا ويحفظنا من هذا المرض
خصوصا وان احنا مازالنا بنعانى من مرض انفلونزا الطيور ومازال المرض
منتشر وبيصيب الناس
دعواتكم جميعا

هناك 23 تعليقًا:

yoyo يقول...

ربنا يحفظنا و يعافينا يارب
بالفعل المرض خطير جدا
انا قرايت النهاردة فى جريدة الجمهورية ان البنت بتتعالج وحالتها مستقرة وتكاد تكون شفيت من المرض

هو ابتلاء من الله سبحانه وتعالى
ربنا يحفظنا يارب
دمتى اختى بالف خير وصحة
تحياتى
يويو

♥نبع الغرام♥♪≈ يقول...

السلام عليكم

ايه بجد اللى سمعته ده

ربنا يستر علينا يارب ويحفظك ويحفظنا من كل سوء وشر

تحياتى لكى على الموضوع الجميل


انوسه

أسير الجراح يقول...

السلام عليكم

انتى بتتكلمى عن البنت

ازاى يمنعوها من دخول مصر

بصى حكومتنا معروفة

ديما بتظلم شعبها فى كل شئ

وبيحترمو اى اجنبى وبيتعملة الف حساب داخل بلدنا
سياسة بقى نقول اية

عموما هو فعلا الموضوع خطير

وربنا يحفظنا يارب من كل شر

ويارب فعلا زى ما يويو ما بتقول

تكون شفيت من المرض

لانها لو ماتت هيقولو ان الدكاترة اللى موتوها

يعنى بردو الموضوع راجع للسياسة

يارب يحمنا برحمتة اجمعين

بجد موضوعك فى غاية الاهمية

تسلم ايدك

اسير الجراح

هندسة وصفية يقول...

سف يعني ايه نمنع مواطنةمصرية من دخول البلد عشان هي مريضة
مش شايفة ان كلامك في حبة عنصرية؟؟
:) متزعليش
تحياتي

kimo يقول...

لم يخلق الله داء
الا وخلق له دواء
اكيد في حاجه الانسان عمالها غلط
خارقه للناموس الكوني في دائره الغذاء
لكي نصاب بهذا المرض
(ظهر الفساد في البر والبحر بما كسبت ايدي الناس )
عافاكي الله وعافانا امه محمد صلي الله عليه وسلم من هذا الوباء

غير معرف يقول...
أزال أحد مشرفي المدونة هذا التعليق.
Hesham يقول...

صديقتى العزيزة اولا شكرا جزيلا على زيارتك للمدونه الخاصة بى
ثانيا لاتقلقى فربما يبنى وزير الصحة هذه المقابر الجماعية كى يعيش فيها الأحياء فنصف الشعب المصرى يحيا فى عشوائيات ومقابر وربما وجد هو ووزير الأسكان والمجتمعات الجديده ان بناء المقابر ارخص من بناء شقق وعمارات فقاما بالاتفاق على هذا وبيقولوا لبعض يعنى هى حاجة جديده ماهم طول عمرهم عايشين فى مقابر

mira يقول...

yoyo
اولا بشكرك بجد على اهتمامك ومتابعتك
ثانيا يارب تكون البنت شفيت بجد
يبقىكدة المرض يمكن يكون له علاج
مش زى ما سمعنا فى الاول لسه بيدرسوا المرض وبيدوروا على مصل
ربنا يحفظنا
تحياتى

mira يقول...

ازيك يا انوسة
واللة سمعت الجمله كدة زى ما كتبتها
بيبنى مقابر جماعيه عارفة دة دليل على انهم متأكدين من دخول المرض
وربنا يسترها
تحياتى

mira يقول...

اسير الجراح
انت عندك حق فى كل اللى قلتة
الشخص الاجنبى بيساوى الف الفين يمكن اكتر بكتير من الشخص المصرى دى حقيقة
بس هانقول اية
اشكرك على التعليق
دمت طيب وبخير

mira يقول...

هندسة وصفية
بص من غير اسف وانا عمرى ما هزعل من اى تعليق لان كل واحد عنده رايه وحر فيه بس ماتنساش ان مصرمازالت خاليه
من المرض وبيتوافد ناس كتير من الخارج
وماتنساس كمان ان البنت عايشة فى امريكا على طول مع امها المصريةولو سيبنا اى حد يدخل بالمرض صدقنى هاينتشر
هوة صحيح هايكون قدر ربنا بس لازم نحتاط وعلى العموم ربنا الحافظ والشافى
اشكرك على تعليقك
تحياتى

mira يقول...

kimo
يارب امين يشفى كل امة محمد اجمعين
بس الاقدار بتاعت ربنا وعمرها ما بتكون نتيجةحاجات غلط ربنابيصيب
المؤمنين ودة بلاء وان شاء ربنا
هايبعده عنا اللهم آمين
تحياتى

mira يقول...

hesham

تعليقك جامد اوى
يمكن يكون عندك حق ومادام ما يحافظوا
علينا بيساعدوا على انشار المرض
اهو نقل شوية ويخف الضغط عليهم
اشكرك بجد على تعليقك
دمت بكل خير

maha zein يقول...

ربنا يحفظنا يا رب
ابتلاء ربنا وعقابه لكل الناس اللى عصيته وقصرت معاه
والله الحل اننا نقرب لربنا
مش بالدعاء بس
بس نشوف بنعصيه في ايه ونتوب ونستغفر
ربنا يهدينا
ويهدي ولاه امورنا

mira يقول...

مها زين
اشكرك يا مها على زيارتك وتعليقك
وربنا يحمينا ويحفظنا من المرض اللعين
دةويبعدة عنا
دمتى بخير

بــكـــرهــ احــلـــى يقول...

موضوع جميل ربنا يحقق امانيكي

تقبلي مروري

تحياتي

جارة القمر يقول...

ربنا يحفظنا ويحمينا


الواحد بجد مش ناقص

الحمدلله انها محرمة عندنا

ربنا يعافينا

سعيدة بتواصلك معي

mira يقول...

ل
بكره احلى
اشكرك على التعليق والمرور
دمت بكل حب وود

ريهام العربي يقول...

ربنا يحفظنا يارب بس اللي اعرفو انو اللي يتعدي منها اللي بيربي خنازير او بيقرب ليها او ياكلها وكيد البنت دي يا كانت كده او اتعدت من حد عندو العدوه دي

ربنا يحفظنا ياااارب ويحمينا
والله الواحد معتش عارف يلاقيها منين ولا منين فراخ وطيور انفلونزا طيور لحمه جنون بقر ودلوقتي للخوف من خلط لحم الخنازير باللحم العادي مش هتجيب لحمه

السمك بيقولو تلوث ميه ومعرفش ايه ربنا ينجينا بجد والله

mira يقول...

جارة القمر
اشكرك على الزيارة والتعليق
هيا صحيح محرمة عندنا بس العدوة مش بتيجى بالأكل منها وبس بتيجى بالنفس
من اللى مصاب بيها على العموم ندعى ربنا يحمينا ويحفظنا واللى ربنا عاوزة هايكون وان شاء اللة خير
تحياتى

mira يقول...

ريهام العربى
حبيبتى اشكرك على المرورعلى المدونة
وما تحزنيش كله بلاء من الله وان شاء
اللة هايشيلة زى ما جابة قادر على كل شئ
وممكن تكلى لحمة بس هاتيها من ناس معينة الغش بيكون فى اللحوم المستوردة
والسمك الملوث هوة السمك المزارع مش البلدى عيشى حياتك عادى وماتخافيش ربنا معانا واللى له نصيب فى حاجة بيشوفهاوربن يسترها
تحياتى

م/ محمد صالح يقول...

اعتقد ان الجكومه فعلت الصواب ومكنش ينفع انا الحكومه تمنعها من دخول مصر وإلا بذلك سوف نكون كما لو اننا ندعو بعزلتنا عن العالم زهذا بالطبع امر ليس سهل

mira يقول...

محمد صالح
اعتقد ان احنا امام مشكله كبيرة
وصعب الكلام فيها ووجود حل جذرى للمشكله
بس اللى الواحد واثق منه ان الحكومة مش هاتضحى بالعلاقات بينها وبين اى بلد لاى سبب من الاسباب
واللى سهل التضحيه بيه الشعب المصرى
صدقنى لو كانت المشكلة فى بلد اجنبى قوى
وكان الوافدين عليها مصريين كانت الحكومة بتاعتهم هاتعمل اللى انا قلت عليه
تحياتى