29‏/06‏/2009

مأساه مؤلمه

اكيد كلنا مؤمنين بالله وبالقضاء والقدر والنصيب والعمر

والاهمال لما يتسبب فى مأساه لشخص بردو بنقول نصيب

وعمر لاننا مؤمنين بالله بس لازم نتكلم عن الاهمال ونحاسب

ونعاقب المتسبب فيه حتى لا يتكرر

المأساه التى حدثت كانت فى احدى النوادى الغير معروفه وطبيعى

ان الاطفال هايلعبوا من غير حساب وتوقع لاى شى عرضى

وكانت مجموعه اطفال تلعب على المرجيحه وكانت طفله مسكينه

صاحبة المأساه تنتظر دورها فى اللعب جانب المرجيحه وتضحك

مع اصحابها وفجاة حدث مالم يتوقعه ولا يتخيله احد

تطير المرجيحه وتصدم الطفله وتستقر فوقها وينتهى عمرها فى ثانيه

امام امها المسكينه التى تشاهد بنتها بعد ان كانت بتضحك وتلعب فجاة

تلاقيها تحت الانقاض ولم تستطع عمل اى شئ

وانهارت الأم طبعا وهى الان فى المستشفى تعالج من الصدمه المفجعه

التى اصابتها بعد فقدها لابنتها امام عينيها ربنا يشفيها ويصبرها على بلائه

اما الكلام عن الاهمال فى مثل هذة الاحوال لا استطيع الحديث عنه لانه متكرر

ومستمر ولا ينقطع ابدا

هناك 41 تعليقًا:

Hesham يقول...

حسبى الله ونعم الوكيل
الإهمال يعد اخطر عدو نواجهه ليس فقط اهمال العمل والنظام ولكن اهمالنا لضميرنا لو ان المسئول عن صيانه المرجيحه فكر ولو للحظة ان اهماله هذا قد يودى بحياه اطفال فربما كان ادى عمله بشكل افضل وانا ارى انه يجب علينا الان ونظرا لان الاهمال اصبح الظاهرة اليوميه فى حياتنا ان نلغى من قانون العقوبات عقوبة القتل الخطأ او معاملة المهمل كجنحه او ياخذ عقاب مخفف
لو ان سائق التريلا علم تماما انه ان تسبب فى حادث يسحكم عليه بالإعدام مااهمل ولو ان المهندس أو المقاول يعلم ان الغش فى مكونات البناء سيواجه بعقوبه الإعدام مااهمل لو أن عامل صيانة المرجيحه يعلم انه سواجه عقوبه الإعدام نظرا لموت الفتاه مااهمل
لو أن مستورد القمح الفاسد يعلم انه سيواجه عقوبه الإعدام مااهمل ولكنى اخشى مااخشاه أنه فى حالة مثل هذا وتم اعدام كل المهملين سيعود تعداد الشعب المصرى نحو بالكتير 2 مليون

blue-wave يقول...

ربنا يرحمها
ويرحمنا من الإهمال

ادم المصرى يقول...

يااااااااااه بجد دا حصل بجد شيئ فظيع جدا ومأساوى اوى اوى اوى

شيئ فظيع مثلا اتخيل الموقف وانا سعيد جدا ببنتى لما بشوف ابتسامتها على خدودها ودحكتها وشفيفها وبتنادى وبتقول يماما وهيه بتتحك الله على دى سعاده وفجأه يحصل ده لالالالالالالالالالالالالالالا

بجد شيئ اكثر من ان يكون فظيع

ولكن الموضوع مش موضوع اهمال ابدا الاهمال ديما بييجى من كل شخص فينا كلنا خطائون وكلنا ممكن نتحط فى مثل هذه المواقف انا معاكى ان الموقف ممكن يخلى اى انسان يعمل اى شيئ حتى لو وصل بيا الامر انى اقتل رئيس المكان المستضيف

اكيد هكون فى انهيار ومش عارف انا بعمل ايه ولكن لو فكرنا بحكمه شويه هنلاقى ان الامر قدر مش اكتر

سعات بنلاقى قطر يخرج برا القضيب بتاعو ويخبط الناس

ممكن عربيه وهيه مشيه ييجى تحتيها زيت وتنقلب على الناس فى الشارع ممكن وانتى مشيه تلاقى فزبه عشان تفادى طفل صغير ممكن تلاقيه يخش فى شجره او يشيل اى حد عشان الطفل ده ممكن وانتى مشيه تقع طوبه على رأسك هل هذا بسبب الاهمال ولا قدر

بلاش فضايح يقول...

لا حول ولا قوة الا بالله
العمر لحظة واقل كمان
والانسان ما أضعفه

طفلة بريئة
هو دة نصيبها
بس حادثة مؤلمة
مؤلمة اوى

ربنا يصبر مامتها

الشاعر الحزين يقول...

إنا لله وإنا اليه راجعون

اعذرينى مش هقدر أكتب تعليق لما أصابنى بعد قراءه هذه المأساه

وأيضا لأنى لا أجد كلاما أقوله سوى

انا لله وإنا اليه راجعون

وحسبنا الله ونعم الوكيل

صوت من مصر يقول...

ميرا انا اسف لكلامك بس ده مش اهمال
ده قضاء ربنا والام المفروض تقول ان ده قدر ربنا
وتفهم ان البنت دى هتشفعلها يوم القيامه وتطلب لها الرحمه

yoyo يقول...

صباحك سكر

اخبارك يه ؟؟
يارب تكونى بالف خير يارب
انا حبيت الاول اسلم
اقرا البوست وارجع تانى

yoyo يقول...

و نعمة بالله
ربنا يرحمها يارب
ويصبر اهلها
بس الاهمال وقلة الضمير هى كانت عامل كبير
صحيح عمرها انتهى لحد كدا بس جايز يكون دا مجرد علامة او دليل عشان نقدر نصلح الاهمل بعد فوات الاوان ومش يكون فى ضحية تانى

ربنا يجازيكى كل الخير يارب
دمتى اختى بالف خير
تحياتى
يويو

mira يقول...

hesham
ازيك يا هشام واخبارك ايه
يارب تكون بخير
اكيد عندك حق ان لو حكم الاعدام هاينفذعلى كل مخطئ تعداد مصر هايكون 2 مليون
بس طبعا اكيد مش هايحصل لان قيمه الانسان المصرى عند الحكومه لا شئ زى اللى بيقولى فى منه كتير
تحياتى

mira يقول...

ادم المصرى
اولا انا متيقنه تماما انه قدر ونصيب
ومكتوب بس لو كان بسبب اهمال وسكتنا
الناس هاتتمادى فى الاهمال وبعدين الحادثه دى حصلت بالفعل وبصورة ابشع من كدة ما قدرتش افسر اللى انا سمعته من الشخص اللى شافاها
وبعدين زى مانت قولت فى تعليقك الامر صعب على الام جدا بعد ما تكون بصه على بنتها وهيا بتلعب وبتضحك فجأة تلاقيها بالصورة دة وفى ثانيه اكيد وقتها مش هاتضحك وتقول الحمد لله
دة نصيب طبعا هاتنهار من الصدمه وبعد كدة ممكن تهدى وتستغفر وتصدق على نصيب ربنا وربنا غفور رحيم
تحياتى

gogo!sf يقول...

صدمتينى جدا يا ميرا
اوجعتنى هذه الفاجعه
ولا استطيع غير البكاء على الام الذى فقده ابنتها اما عينيها
ولكن هذا لم يكن اهمال ده قضاء ربنا سبحانه وتعالى
ربنا اعطى الام امانه وردت الامانه الى اصحابها
تعددت الاسباب والموت واحد

ربنا يصبر الام على فراق ابنتها

ويرحمها يارب


جوجو

mira يقول...

بلاش فضايح
اشكرك على التعليق
اكيد العمر اقل من لحظه بكتير
ودايما الاطفال البريئه بيكون قدرهم المكتوب بيكون بسبب اهمال وعدم اهتمام
بس هانقول ايه ربنا يصبرنا على بلائه
ويتولى امهاالمسكينه برحمته الواسعه
ويشفيها
تحياتى

mira يقول...

blue-wave
ازيك يا عمرويارب تكون بخير
بشكرك على التعليق
ويارب يرحمنا من الاهمال وعدم الاهتمام واللامبالاه اللى احنا غرقانين فيها
تحياتى

mira يقول...

الشاعر الحزين
بشكرك على تعليقك
واكيد عندك حق فى عدم القدرة على التعليق بعدالصدمه الموفجعه من اهمال يتسبب فى موت طفله بالشكل دة
ويارب يرحمنا جميعا
دمت بكل خير

mira يقول...

صوت من مصر
طبعا انا متأكدة تماما انه مكتوب وقدر
ولو قريت البوست كويس هاتلاقينى قولت كدة فى مقدمه الموضوع
بس الموضوع ابشع مما تتخيل انت اكيد لسه شاب وصغير وما تحس احساس الام او الاب فى مثل هذة المواقف اكيد الواحد فى وقتها مش هايقدر يقول دة قضاء وقدر وخصوصا حادثه مؤلمه زى دى على فكرة صحبتى اللى حكيت لى الموضوع شافته بنفسها وهيا بتحكى انهارت من البكاء من المنظر الموفجع واللى حصل للبنت ابشع بكتير من اللى انا كتبته واللى انتو متخيلينه ويارب ما يكتبه على حد ابدا
تحياتى

mira يقول...

yoyo
يويو حبيبتى
صباحك احلى من السكر والعسل
وانا كويسه الحمد لله وبشكرك على التحيه والتعليق
بس صدقينى تعبانه بسبب الموضوع اللى انا كتبته انا عارفه كويس ان نصيب وقدر ومكتوب بس الاهمال لازم يوعاقب عليه المتسبب فيه صعب الواحد يسكت
صدقينى لو الموضوع اتحكى لك من اللى شافه هاتنهارى وهاتتمنى انك لو تشوفيى المهمل او المتسبب فيه
اكيد فى الاخر هانرجع لعقلنا ونستغفر ربنا بس الموقف صعب جدا دة الواحد ما بيقدرش يشوف ابنه ولا بنته تعبانه شويه فما بالك بقى موته بشعه
نسأل الله الصبر لاهلها ولامها المسكينه
يارب يرحمنا جميعا
تحياتى حبيبتى

mira يقول...

gogo!sf
بشكرك على تعليقك
والله انا عارفه ان مكتوب لها ونصيبها وقدرها وكمان قدر الام انها تشوف بنتها تموت اودامها بهذة الصورة البشعه
ونطلب من الله الرحمه والمغفرة للجميع
تحياتى جوجو

شجر الليمون يقول...

دموع عيني علي تلك التي أواها التراب وتغزر علي تلك الأم المسكينة
اللهم اربط علي قلبها وصبرها واخلفها خيرا منها وارزقها نعمة النسيان
أمين ..أمين ..أمين

وحسبنا الله ونعم الوكيل

جارة القمر يقول...

صدقيني ممكن يكون مش اهمال

لكن ربنا يسبب الأسباب هو قدر

مسكينة تلك الأم

ربنا يصبرها

مودتي

احمد عبد السلام يقول...

الى متى سنظل هكذا

الاهمال والامبالاة هى السمة الاساسية لنا

الفساد من الاعلى

ويجب الاصلاح من الرأس اولا

اللهم صبر امها هى وامثالها

واجعلها قرة عين لها فى الاخرة

mohamed ghalia يقول...

معاكى حق فى فرق شاسع بين الإهمال والقضاء والقدر
لازم يكون فى وقفة قويةمع اى مهمل

حلـم،، يقول...

انتي طرقتي شىء مهم واحترمك جدا وهذا الطرح ينم عن عمق ادراك وعدم مبالتك بالخرافة التي تسيء الي فهم القضاء والقدر اتفق معك لايجوز ان تعلق اخطانا علي شمعة عيب وحرام وما بصحش والغلط مش في العيب ولا في الحلال والحرام العيب فينا لذلك لا رحمة في تسليط اصبع الاتهام لمن يخطىء ويهرب اويهرب مسؤليتة علي شماعة تخشي الناس المواحهو حولها رائعة ياسيدتي واقبل يدك وحسن تفكيرك..حلم..

MISS\GH يقول...

ميرا بجد انا اول مره ازور مدونتك الجميله دى بس اثر فيا البوست جدا وحاسه انى لو كنت مكان الام دى كانت هتصيبنى حاله من الانتقام الشديد من جميع المسئولين ازاى بجد تتحول الابتسامه لدموع منهمره فى ثانيه
ليه ..ليه هو حياه الانسان رخيصه كده ودى مش اى انسان دى طفله فى مقتبل عمرها

حسبى الله وانت الوكيل

mira يقول...

شجر الليمون
اللهم امين
بشكرك يا احمد على تعليقك وهوة نصيب الام زى ما هو نصيب البنت
وربنا ينتقم من اى حد يهمل فى ارواح الناس
تحياتى

mira يقول...

جارة القمر
والله يا علياء انا عارفه ان قدر وبلاء شديد من ربنا على الام
بس لازم نقول ان كان فى استهتار
ولازم يكون فى حساب للمستهتر احب اقولك حاجة الغلطان او المتسبب فى هذة الكارثه لو اتعاقب بسجن او اى حاجة
تفتكرى هايكون رضا من ربنا ولا عقاب من ربنا لازم يكون عقاب ويستحقه
دمتى بكل خير

mira يقول...

احمد عبد السلام
بشكرك على الزياره والتعليق
الاهمال والامبالاة اساس فى حياتنا ودنيتنا ولا احد يستطيع القضاء عليهم
مادام الايمان قليل فى قلوب الناس ولا احد يهتم بشئون الاخرين كل شخص يسعى وراء الفائدة الفرديه ولا يتذكر ربنا
واخيرا ربنا يتولانا برحمته ويسترها معانا فى بلد غير آمنه وكل خطأ يحدث ويتسبب فى ايذاء شخص يتحمله الشخص المصاب بالبلاء ويحمد ويشكر ربنا
ونقول نصيب ومكتوب
تحياتى

mira يقول...

mohamed ghalia
بشكرك على التعليق
هوة دايما الاهمال والاستهتار بيقضى على ناس كتير وبتكون ضعيفه مش بتقدر تعمل حاجة ولا تنقم لنفسهايعنى المتسبب فى هذة الماساة هايحصل له ايه
اكيد ولا حاجه لانها هاتكون قتل خطأ
ربنا يسترها معانا ويرحمنا برحمته

mira يقول...

حلم
اشكرك على تعليقك ورقه اسلوبك
بس احنا عايشين فى الدنيا بنعانى من اشياء كتير كلها ضدنا وليس معنا
عايشين فى بلد فيها الاقوى بالمال والنفوذ هوة اللى بيفوز وبيعدى من
اى اخطاء
تحياتى
واخيرا انا اسفه لانى مش بنجح فى التعليق
على اى بوست عندك اختيار الهويه هوة اللى معقد بالنسبه لى ارجو المعذرة او
تقولى انت انا اعملها ازاى حاولت كتير والله

mira يقول...

miss\gh
حبيبتى اشكرك على الزيارة وتعليقك من ضمن التعليقات اللى بتألمنى وكلام بيأثر فيا ضحكه فى ثانيه تنتهى وتسقط ويسقط معها البرءاه
وحياة طفله مسكينه لا تدرك فى الدنيا شئ احساس صعب ربنا يهونوا على امها وعلينا
دمتى بكل الحب

م/ محمد صالح يقول...

الاهمال ده مصيبه تضرب المجتمع فى كل الجبهات من اول الدكتوراللىبيبسى الفوطه والمهندس اللى خايف من الحر علشان كده بيسسب الموقع يحصل فيه اللى يحصل إلى الحاله اللى عرضتيها لا بد من حل لإزاله هذه العاده من المجتمع

Hossam يقول...

صديقتى ميرا
بجد ربنا يحرمها وانشالله فى الجنة
ربنا يشفى امها ويصبرها على اختبار من الله
الاهمال زى مقلتى فى مصر بقى متكرر ولو هنصلحة يبقى هنشيل كل المسئوليين ونجيب غيرهم ويا ريت ده يحصل
تحياتى

عاشقة الأحزان يقول...

السلام عليكم

حبيبتى الغاليه بجد وحشتينى قووى

ومعلهش على التأخير طبعآ ظروف سفرى وكده

ربنا يكرمك يارب ويوفقك

وبجد البوست محزن قووى

انا لله وانا اليه راجعون

تحياتى

momken يقول...

كلكم راعى وكلكم مسئول عن رعيته

كان هذا كلام رسول الله منذ اربعه عشر قرنا من الزمان

وباقى من الزمن حوالى عشر قرون اخرى كى نستوعبه


تحياتى

mira يقول...

محمد صالح
اشكرك على التعليق
وفعلا الاهمال بقى حاجه ملازمه لحياتنا
كما لو انها من الضروريات
ربنا يرحمنا ويسترها معانا
تحياتى

mira يقول...

hossam
ازيك اخبارك ايه يارب تكون بخير
الاهمال بقى ضرورى وموجود بالفعل
وبيقضى علينا لاننا لا نساوى شئ عند المسئولين اللى انت بتتمنى انهم يتشالوا
دول يشيلونا احنا ويرمونا ويخلصوا منا
ولا يتشال مسئول وعلى ايه لما حد يموت نتيجه اهمال فى منا كتير
وما يصدقوا ان واحد ينقص
هى فى الاول والاخر قضاء وامر ربنا
بس الواحد بيتحرك بمشاعره تجاه المصائب اللى بتحصل لحد وبيتسبب فى حد تانى
دمت بخير

mira يقول...

عاشقه الاحزان
انوسه حبيبتى ازيك
وحشتينى جدا وحمد الله على سلامتك
ويارب تكونى سعدتى بالاجازة
معلش البوست حزين فعلا بس حسيت انى عايزة احكى عن المأساة اللى سمعتها والحمد لله انى ما كنتش موجودة كنت مت من الاسى وخصوصا ان احاسيسى ضعيفه جدا
ربنا يصبر امها ويرحمنا برحمته
تحياتى حبيبتى وتدوم ليك الحياه بالخير

mira يقول...

momken
اشكرك على الزيارة والتعليق
واحنا فى الانتظار حتى الاستيعاب
تحياتى

ياسر سليم يقول...

ربنا يصبر والديها

اقدم عاصمه فى الحب يقول...

السلام عليكم

الاهمال اكيد شىء وحش فى حياتى
ومؤمنين طبعا بالقسمه والنصيب
مش عارف أقول ايه الموقف فعلا رهيب
بس قدر الله وماشاء فعل
الحمد لله
.
.
.
الله يرحمها والله يصبر أمها على فراقها
.
.
كان نفسى اول مره ادخل عندك تكون فى موضوع غير الكلام اللى وجعنى ده
.
مودتى
:)

جارة القمر يقول...

جئت هنا لانني مشتاقة اليكي

انتظر جديدك مودتي

لفافــــــــــــــــــة البـــــــــــــردى يقول...

ALL CORNERS IN EGYPT SUFFER FROM THE CARELESS

THE GOVT WILL KNOW ABOUT PROBLEME , BUT NO ONE WILL MOVE TO SOLVE THIS PROBLEM

WHEN WE HERE ABOUT HARD TROUBLES

THEN U WILL SEE ONE FROM THE RISPONSIBLES ON THE SCREEN SPEAK ABOUT THE ACTS OF TROUBLES

AND HE HAS TO INTRODUCE THE REGARDS FOR THE PRESIDNT AND THE GUARDS OF HIS GARDEN


REALLY EGYPT FALL DOWN EVERY SECOND


REGARD