سمعت من مصدر موثوق ان وزير الصحة بيبنى مقابر جماعية
استعدادا لموتى مرض انفلونزا الخنازير الخبر دة كان من اسبوع
تقريبا وتألمت جدا وتمنيت ان ربنا يحمينا ويحفظنا من هذا المرض
ودلوقت تم رصد اول حالة لانفلونزا الخنازير فى مصر لطفلة امريكية
لام مصرية هوة صحيح البنت كانت عايشة فى امريكا بس جات لمصر زيارة مع امها وجابت المرض معاها وهيا دلوقت فى مستشفى الحميات لمتابعة حالتها بس كنت اتمنى ان الحكومة ترفض دخولها اصلا من ارض المطارمنعا لانتشار المرض ولا بيستعدوا بأعداد للمقابر اللى بيبنوها علشان تعبهم والمصاريف اللى صرفوها فى بناء
هذة المقابرما يضيعش على العموم احنا لا نملك اى قرارات ولا من حقنا نقول ارآء
سوى الدعاء لربنا سبحانة وتعالى انة يحمينا ويحفظنا من هذا المرض
خصوصا وان احنا مازالنا بنعانى من مرض انفلونزا الطيور ومازال المرض
منتشر وبيصيب الناس
دعواتكم جميعا
هناك 23 تعليقًا:
ربنا يحفظنا و يعافينا يارب
بالفعل المرض خطير جدا
انا قرايت النهاردة فى جريدة الجمهورية ان البنت بتتعالج وحالتها مستقرة وتكاد تكون شفيت من المرض
هو ابتلاء من الله سبحانه وتعالى
ربنا يحفظنا يارب
دمتى اختى بالف خير وصحة
تحياتى
يويو
السلام عليكم
ايه بجد اللى سمعته ده
ربنا يستر علينا يارب ويحفظك ويحفظنا من كل سوء وشر
تحياتى لكى على الموضوع الجميل
انوسه
السلام عليكم
انتى بتتكلمى عن البنت
ازاى يمنعوها من دخول مصر
بصى حكومتنا معروفة
ديما بتظلم شعبها فى كل شئ
وبيحترمو اى اجنبى وبيتعملة الف حساب داخل بلدنا
سياسة بقى نقول اية
عموما هو فعلا الموضوع خطير
وربنا يحفظنا يارب من كل شر
ويارب فعلا زى ما يويو ما بتقول
تكون شفيت من المرض
لانها لو ماتت هيقولو ان الدكاترة اللى موتوها
يعنى بردو الموضوع راجع للسياسة
يارب يحمنا برحمتة اجمعين
بجد موضوعك فى غاية الاهمية
تسلم ايدك
اسير الجراح
سف يعني ايه نمنع مواطنةمصرية من دخول البلد عشان هي مريضة
مش شايفة ان كلامك في حبة عنصرية؟؟
:) متزعليش
تحياتي
لم يخلق الله داء
الا وخلق له دواء
اكيد في حاجه الانسان عمالها غلط
خارقه للناموس الكوني في دائره الغذاء
لكي نصاب بهذا المرض
(ظهر الفساد في البر والبحر بما كسبت ايدي الناس )
عافاكي الله وعافانا امه محمد صلي الله عليه وسلم من هذا الوباء
صديقتى العزيزة اولا شكرا جزيلا على زيارتك للمدونه الخاصة بى
ثانيا لاتقلقى فربما يبنى وزير الصحة هذه المقابر الجماعية كى يعيش فيها الأحياء فنصف الشعب المصرى يحيا فى عشوائيات ومقابر وربما وجد هو ووزير الأسكان والمجتمعات الجديده ان بناء المقابر ارخص من بناء شقق وعمارات فقاما بالاتفاق على هذا وبيقولوا لبعض يعنى هى حاجة جديده ماهم طول عمرهم عايشين فى مقابر
yoyo
اولا بشكرك بجد على اهتمامك ومتابعتك
ثانيا يارب تكون البنت شفيت بجد
يبقىكدة المرض يمكن يكون له علاج
مش زى ما سمعنا فى الاول لسه بيدرسوا المرض وبيدوروا على مصل
ربنا يحفظنا
تحياتى
ازيك يا انوسة
واللة سمعت الجمله كدة زى ما كتبتها
بيبنى مقابر جماعيه عارفة دة دليل على انهم متأكدين من دخول المرض
وربنا يسترها
تحياتى
اسير الجراح
انت عندك حق فى كل اللى قلتة
الشخص الاجنبى بيساوى الف الفين يمكن اكتر بكتير من الشخص المصرى دى حقيقة
بس هانقول اية
اشكرك على التعليق
دمت طيب وبخير
هندسة وصفية
بص من غير اسف وانا عمرى ما هزعل من اى تعليق لان كل واحد عنده رايه وحر فيه بس ماتنساش ان مصرمازالت خاليه
من المرض وبيتوافد ناس كتير من الخارج
وماتنساس كمان ان البنت عايشة فى امريكا على طول مع امها المصريةولو سيبنا اى حد يدخل بالمرض صدقنى هاينتشر
هوة صحيح هايكون قدر ربنا بس لازم نحتاط وعلى العموم ربنا الحافظ والشافى
اشكرك على تعليقك
تحياتى
kimo
يارب امين يشفى كل امة محمد اجمعين
بس الاقدار بتاعت ربنا وعمرها ما بتكون نتيجةحاجات غلط ربنابيصيب
المؤمنين ودة بلاء وان شاء ربنا
هايبعده عنا اللهم آمين
تحياتى
hesham
تعليقك جامد اوى
يمكن يكون عندك حق ومادام ما يحافظوا
علينا بيساعدوا على انشار المرض
اهو نقل شوية ويخف الضغط عليهم
اشكرك بجد على تعليقك
دمت بكل خير
ربنا يحفظنا يا رب
ابتلاء ربنا وعقابه لكل الناس اللى عصيته وقصرت معاه
والله الحل اننا نقرب لربنا
مش بالدعاء بس
بس نشوف بنعصيه في ايه ونتوب ونستغفر
ربنا يهدينا
ويهدي ولاه امورنا
مها زين
اشكرك يا مها على زيارتك وتعليقك
وربنا يحمينا ويحفظنا من المرض اللعين
دةويبعدة عنا
دمتى بخير
موضوع جميل ربنا يحقق امانيكي
تقبلي مروري
تحياتي
ربنا يحفظنا ويحمينا
الواحد بجد مش ناقص
الحمدلله انها محرمة عندنا
ربنا يعافينا
سعيدة بتواصلك معي
ل
بكره احلى
اشكرك على التعليق والمرور
دمت بكل حب وود
ربنا يحفظنا يارب بس اللي اعرفو انو اللي يتعدي منها اللي بيربي خنازير او بيقرب ليها او ياكلها وكيد البنت دي يا كانت كده او اتعدت من حد عندو العدوه دي
ربنا يحفظنا ياااارب ويحمينا
والله الواحد معتش عارف يلاقيها منين ولا منين فراخ وطيور انفلونزا طيور لحمه جنون بقر ودلوقتي للخوف من خلط لحم الخنازير باللحم العادي مش هتجيب لحمه
السمك بيقولو تلوث ميه ومعرفش ايه ربنا ينجينا بجد والله
جارة القمر
اشكرك على الزيارة والتعليق
هيا صحيح محرمة عندنا بس العدوة مش بتيجى بالأكل منها وبس بتيجى بالنفس
من اللى مصاب بيها على العموم ندعى ربنا يحمينا ويحفظنا واللى ربنا عاوزة هايكون وان شاء اللة خير
تحياتى
ريهام العربى
حبيبتى اشكرك على المرورعلى المدونة
وما تحزنيش كله بلاء من الله وان شاء
اللة هايشيلة زى ما جابة قادر على كل شئ
وممكن تكلى لحمة بس هاتيها من ناس معينة الغش بيكون فى اللحوم المستوردة
والسمك الملوث هوة السمك المزارع مش البلدى عيشى حياتك عادى وماتخافيش ربنا معانا واللى له نصيب فى حاجة بيشوفهاوربن يسترها
تحياتى
اعتقد ان الجكومه فعلت الصواب ومكنش ينفع انا الحكومه تمنعها من دخول مصر وإلا بذلك سوف نكون كما لو اننا ندعو بعزلتنا عن العالم زهذا بالطبع امر ليس سهل
محمد صالح
اعتقد ان احنا امام مشكله كبيرة
وصعب الكلام فيها ووجود حل جذرى للمشكله
بس اللى الواحد واثق منه ان الحكومة مش هاتضحى بالعلاقات بينها وبين اى بلد لاى سبب من الاسباب
واللى سهل التضحيه بيه الشعب المصرى
صدقنى لو كانت المشكلة فى بلد اجنبى قوى
وكان الوافدين عليها مصريين كانت الحكومة بتاعتهم هاتعمل اللى انا قلت عليه
تحياتى
إرسال تعليق