10‏/06‏/2009

هام جدا







شاهدنا الخميس الماضى خطاب الرئيس الأمريكى باراك اوباما فى جامعة القاهرة وسمعنا عن


القرارات التى تناولها اوباما فى حديثه وقد رأى البعض ان اوباما يتكلم ولم ينفذ شئ مما قاله والكثير


رأى ان حواره كان ممتع وانه رجل وسوف ينفذ كل قراراته التى تناولها فى خطابه وكان اهم قراراته


التى نتمنى تنفيذها هى مشكلة العراق وفلسطين .


وقد نشر فى جريدة الأخبار يوم الاحد 7 يونيو فى الصفحة الثامنه خبر بالنص


العراق ينشر نصف مليون جندى استعدادا لانسحاب القوات الامريكية نهاية الشهر الجارى


ودة كان اول قراربدأاوباما فى تنفيذه .وفى الصفحة التاسعة نشر خبر بالنص ايضا


نتنياهو غارق فى الاحباط منذ خطبة اوبامافى القاهرة وكان يتناول هذا الخبر ان قراراوباما بشأن اسرائيل


وفلسطين يعتبر كابوس حقيقى لنتنياهو وانه مجبر على تنفيذ هذا القرار. وهذا الخبر شدنى جدا لانى ما تخيلتش


ان اسرائيل ممكن تخضع لأوامر من اى حد ابدا وكان بالنسبة لى ان اوباما اتورط فى قرار زى دة ولكنى بعد


ما قريت الخبر باكمله حسيت ان مشكله فلسطين ممكن تتحل وان شاء اللة تكمل على خير يارب ويعم السلام


على العالم عامة وعلى العرب خاصة خصوصا الفلسطينين بجد كان الواحد بيتعذب معاهم وكذلك العراقيين


ويارب خطة اوباما للسلام تنجح على خير ان شاء الله


هناك 29 تعليقًا:

gogo!sf يقول...

اول تعليق

ربنا يستر

اولا اوباما شخصيه رائعه جدا جدا

وبجد قال كلام جميل جدا وحقيقى نفسى يتنفذ بس مع الاسف مش هيتنفذ اطلاقا

وحاسه انى اوباما اصلا مش هيطول بسبب خطابه ده

عشان صعب ان يظهر رئيس امريكا بأنه خايف على المصلحه العامه

بتهيئلى صعب جدا

بوست فعلا مهم

تحياتى لكى

عاشقه الاحزان

جوجو

Hesham يقول...

زيك ياميرا شكرا جزيلا على تعليقك ولكنى وكما سبق واوضحت هناك ايضا من يقدر الفن الجميل النظيف وهم ايضا يشكلون نسبه كبيره وكما نوهت عن فيلم ناصر 56 انوه ايضا على فيلم الطريق الى ايلات الذى ايضا كان من الأفلام الناجحة جماهيريا وافلام كثيره ايضا مثل ابو على صدقينى لايجب الأستسلام الى هؤلاء الذين يحولون الفن الى سلعة رخيصة وهو دور الفنانين المحترمين مثل الفاضلة انعام محمد على مثلا

اما بالنسبة لما كتبتيه عن اوباما وتفاؤلك بما يمكن ان يفعله فارجو منكى ان تقرأى ماسأكتبه عن هذا الموضوع فى القريب العاجل وان كان فحواه مثلنا العربى الجميل ( افلح ان صدق)
تنياتى لكى بالتوفيق

فشكووول يقول...

السلام عليكم ميرا
اسمحى لى يا ميرا ان احييك على مخك الكبير والذى يفكر بعقلانيه وليس يتشنج كما يفكر معظم المصريين والعرب
يا بنيتى الواقعيه التى فكرتى وكتبتى بيها منتهى الموضوعيه

فعلا اوباما صادق فى كلامه وفى توجهاته ولكن على النقيض ... نحن

هل نحن على استعداد لتفهم متغيرات التاريخ والجغرافيا والسياسه .. اعتقد اننا لسنا كذلك

تحياتى ميرا

yoyo يقول...

صباحك سكر

عجبنى اوى كلام لانى ببساطة بتفق معاكى فى احترام اوباما و عجبنى جدا ذكائه و ثقافته الشديدة اللى بيحاول بيهم انه يغير وجه نظر العالم كله و خاصة العربى لامريكا كدولة طاغية
هو قال كلام حلو جدا و مقنع اوى و اعتقد انه قادر على تحقيقه مش بس مجرد كلام و خلاص
ان شاء الله يتحقق كلامه دا
اكيد الايام هتورينا ايه ممكن يحصل

دمتى اختى بالف خير
تحياتى
يويو

M.a.r.y.o.o.o.m يقول...

بصي معاكي حق ان اوباما كويس جدا وحلو بس في مشكلة هل هيقدر يحقق كل ده خلال فترة الرئاسة بتاعته لانه مستحيل يتكرر تاني وبيتهيألي إنه فترة هدنه من اللي امريكا بتعملها في الناس

mira يقول...

gogo
اشكرك على التعليق
هوة فعلا شخصيه رائعة واكيد نتمنى جميعا ان قراراته تنفذ ويارب يطول
فى حكمه لامريكا
تحياتى

mira يقول...

hesham
اشكرك على تعليقك واهتمامك
اولا انا اعجبت بشخصيه اوباما وخطابه شدنى جدا والكلام اللى قاله عن السلام
ودى كانت حاجة ممهمه لينا كلنا كعرب
وتمنينا تنفيذ ما قاله او بمعنى ادق انه يقدر على تنفيذة لانه يمكن يكون بيتمناه بجدبس اللى انا قريته فى الجريدة كان عجب بجد واعتقد انه هاينفذة بس لو عمرة طال
دمت بكل الخير

mira يقول...

فشكووول
وعليكم السلام ورحمه اللة وبركاتة
ممكن يكون مافيش ناس هاتفهم متغيرات
التاريخ والسياسه زى ما بتقول بس اكيد هايكون فى اللى هايفهم ويقدر هذة المتغيرات وعموما انا كتب موضوعى من حقائق مكتوبه فى جريدة عامه ومشهورة
وبتمنى انك تقراها علشان تحس احساسى
اللى خلى عندى امل كبير فى تنفيذ قرارات اوباما
تحياتى

mira يقول...

yoyo
حبيبتى ازيك
اشكرك على متابعتك بجد انتى رقيقة اوى
وتعليقك ادانى امل اكبر انى مش لوحدى اللى متفائله انا سمعت كلام كتير خلانى ايأس واخاف على اوباما مش منه
نطلب من الله انه يقويه على ما بدأه
ويساعدة حتى النهايه
دمتى بخير

mira يقول...

فتاة ضائعه فى زمن الاوهام والاحلام
ممكن يكون هدنه للعالم من امريكا فعلا
بس صدقينى هوة بدا بالفعل فى تنفيذ ما قاله او بعض ما قاله قواته بدات فى الانسحاب بالفعل من العراق
والاسرائليين قلقيين جدا منه ومن قرارته
وعلى فكرة فى دول عظمى كتير بتؤيدة فى ما قاله وهاتقف بجانبه
وعلى الله كل الخير
تحياتى
ميرا

blue-wave يقول...

افلح ان صدق

من غير عنـــوان يقول...

بوست هادي
متفكر
متعقل

وكفايه تعليق الخال فشكول

أحمد الصعيدي يقول...

السلام عليكم

خطابه فعلا خطاب تاريخي دعا فيه إلي سماحة الدين الإسلامي وأعتقد أنه يتمني ما يقول لكن ..

هذا الإقتصاد المتناثر تحت أرجل اليهود كيف له أن يسيطر عليه

الكلام شئ والواقع شئ أخر
اللهم أخلف الظنون

mira يقول...

blue-wave
اشكرك على التعليق
يارب يصدق واكيد كلنا نتمنى ان يصدق وينفذ بس عارف انا لما كتب البوست دة كنت فرحانه اوى مش عارفة ليه وحسيت انه ممكن كل اللى قاله يحصل بس دلوقتى
بقيت محبطه جدامن التعليقات اللى بتيجى بس كل اللى قلته كله مكتوب فى الجريدة يعنى حقائق وبتحصل
تحياتى يا دكتور

mira يقول...

من غير عنوان
بشكرك على التعليق
وبشكرك على ذوقك ورقتك فى الكلام
صدقنى ما بقاش عندى امل عشان ارد على تعليق اى حد من اللى سمعته ولسه هاسمعه
وكل اللى هاقدر اقوله ان ادعى ربنا وندعى كلنا لانها امنيه جماعيه طبعا
ان اوباما يقدر على تنفيذ وعودة او جزء منها يارب العالمين
تحياتى يا باش مهندس
ميرا

mira يقول...

شجر الليمون
بصى يا احمد
رد على كلامك بالنسبه لليهود انا لما
قريت اللى مكتوب فى جريدة الاخبار
دة طبعا لو كان صحيح انا عارفه ان امريكا واسرائيل اقوى دولتين فى العالم وما يقدرش عليهم غير ربناحسيت ان اليهود يمكن يعملوا حساب لامريكا ايه اللى خلى اليهود قلقانين من الخطاب وان نتنياهو منعزل ومكتئب غير انه خايف من ان يجبر على حاجه زى كدة
على العموم احنا بنتكلم مع بعض احسن ما الواحد يتكلم مع نفسه واختلاف الرأى لا يفسد للود قضيه
واحنا منتظرين وهانشوف هايحصل ايه
اشكرك على التعليق
تحياتى

أحمد الصعيدي يقول...

يا سيدتي
دعي الأيام تثبت لك صدق كلامي فأولا وأخيرا هم لا يدينون دين الحق ودعي حوار المتفلسفين من كتاب الجرائد القومية فهم يكتبون حسب هواهم ..فقط اجعلي فكرك وثقافتك يحسم الأمور وتزودي ممن يكتب بصدق
وأنا لست ضد هذا الخطاب ولا ضد أوباما ولكنني مع أن المصلحة أهم من المضمون بالنسبة للغرب

شكرا

م/ محمد صالح يقول...

يا عزيزتى كل ما تسمعيه وتقرأيه ل يتعدى كلام كلم والسلام فلى تنتظرى من ان يقدم لك احد حريتك على طبق من ذهب فالعالم كله مصالح مشتركه والسياسه فن الكلام وسلام

احساس لسه حى يقول...

عزيزتى
مش عاوزك تتفائلى اوووى

حتى لو اوباما عاوز يفعل شئ

اسرائيل ليها نفوذ فى امريكا وممكن تخليه يتخلى عن اى شئ ناوى يفعله

امريكا مش مصر

ورئيسها مش بايديه يقرر سياستها

فى حدود فى قراراته

على العموم الامل فينا مش فى اوباما

تحياتى

سلام

mira يقول...

شجر الليمون
يا عزيزى انا ما قلتش ان انت كداب
ولا اقدر اقولها لحد بس لما كتبت البوست
بجد كنت متفائله جدا وفرحانه اوى
واحتمال اكون اتسرعت بس الواحد عبر عن احساسه بامنيه وفرحه مش اكتر
بس اسالك سؤال حتى لو اوباما مش هايقدر ينفذ حاجه من اللى تناولها فى خطابه وحتى قرار خروج جيشه من العراق
اعتقد ان دى حاجة فى ايده ولازم ينفذها
ولا دة كمان حلم بالنسبه لى
صدقنى ما بقيتش عارفة ارد على اى تعليق من الاحباط
كنت اتمنى ان كلام اوباما ينفذ زى مانا متأكدة انها امنيه كل الشعوب العربيه
ويارب يحقق لنا جزء من احلامنا
تحياتى واوعى تزعل منى ولا تفهم كلامى غلط
اشكرك

mira يقول...

محمد صالح
اشكرك على تعليقك
وهاحاول ما اسمعش حاجة ولا اصدق اى شئ
الا ما يحصل اى احداث واقعيه وفعليه
تحياتى
ميرا

(حلـم) يقول...

اول مرور في اجمل واحة واتمني التواصل

mira يقول...

احساس لسه حى
حاضر هابطل اتفاءل وهابطل احلم كمان
ماهى دى حياتنا الانتظار وفى الاخر ما نلاقيش حاجة من اللى بنتمناها وبنحلم بيها عيشه بالاكراه مع سبق الاصرار والترصد
تحياتى

mira يقول...

حلم
اشكرك على المرور وان شاء الله هانتواصل
تحياتى

♥نبع الغرام♥♪≈ يقول...

السلام عليكم حبيبتى

اشكرك على مرورك الجميل اللى بجد بيسعدنى قووى

ربنا يبارك فيكى ويسعدك

اختك
ايناس

ادم المصرى يقول...

اولا لن ترضى عنك اليهود ولا النصار حتى تتبع ملتهم

ثانيا اوباما مش هيسيب مشاكل بلدو مع كوريه الشماليه

وييجى يحل مشاكل الشرق الاوسط شيئ عجيب وغريب والاغرب اننا نعطقد انو جى عشان بيحبنا وجى يعرض علينا الصلح

وكانو فرحانين انو لما دخل المسجد خلع الحزاء الا يعنى كانو عيذينو ميقلعش حزائو مهو ده الى ناقص كمان
مدونتك جميله مووووت ومش هتكون اخر زياره

mira يقول...

عاشقة الاحزان
وعليكم السلام يا انوسه
انا اللى بشكرك على المتابعه
وفرحانه انك بخير
تحياتى

mira يقول...

ادام المصرى
انا بشكرك على التعليق
وميرسى لذوقك
بس على فكرة زى ما لاقيت ناس كتير
مش عجبها اوباما وحواره لاقيت ناس
كتير اعجبت بيه وبشخصيه وبحوارة
ومين عارف ربنا بيسبب الاسباب
ويمكن يقدر يعمل حاجه ولو حاجه واحدة بس من اللى قال عليها
دمت طيب

mira يقول...

حلم
انازورت مدونتك وقريت البوست
وارسلت تعليقى
بس تقريبا فى حاجه غلط فى ارسال
التعليق
تقبل اعتذارى
تحياتى